ಹೊಸಕೋಟೆಯ ಚಾರ್ವಿ ಎಸ್ ಗೌಡ, ಜಾನ್ಹಾವಿ, ಕೇಲೋ ಇಂಡಿಯಾ ಟೇಕ್ವಾಂಡೋ ಕ್ರೀಡೆಗೆ ಆಯ್ಕೆ ಹೊಸಕೋಟೆ : ದಿನಾಂಕ 2- 9 -2023 ರಂದು ಅಂಬೇಡ್ಕರ್ ಸ್ಟೇಡಿಯಂನಲ್ಲಿ ಕೇಲೋ ಇಂಡಿಯಾ ಟೇಕ್ವಾಂಡೋ ಕ್ರೀಡೆಗೆ ಆಯ್ಕೆ ಪ್ರಕ್ರಿಯೆಯನ್ನು ಕರ್ನಾಟಕ ಟೇಕ್ವಾಂಡೊ ಅಸೋಸಿಯೇಷನ್ ಹಮ್ಮಿಕೊಂಡಿದ್ದರು. ಈ ಒಂದು ಆಯ್ಕೆ ಪ್ರಕ್ರಿಯೆಗೆ ಕರ್ನಾಟಕದ ನಾನಾ ಭಾಗದಿಂದ ಕ್ರೀಡಾಪಟುಗಳು ಭಾಗವಹಿಸಿದ್ದು ಹೊಸಕೋಟೆಯ ಗ್ಲೋಬಲ್ ಟೇಕ್ವಾಂಡೊ ಅಕಾಡೆಮಿ ವತಿಯಿಂದ ಚಾರ್ವಿ ಎಸ್ ಗೌಡ ಯು -42ಕೆಜಿ, ಜಾನ್ಹಾವಿ ಯು- 46 ಕೆಜಿ , ವಿದ್ಯಾರ್ಥಿನಿಯರು ಭಾಗವಹಿಸಿ ಆಯ್ಕೆಯಾಗಿರುತ್ತಾರೆ ಇದೇ ಸೆಪ್ಟೆಂಬರ್ ತಿಂಗಳು 2023ರಲ್ಲಿ ಕೇರಳದಲ್ಲಿ ನಡೆಯುವ ಕೆಲೋ ಇಂಡಿಯಾ ದಕ್ಷಿಣ ವಿಭಾಗದಲ್ಲಿ ವಿದ್ಯಾರ್ಥಿಗಳು ಕರ್ನಾಟಕವನ್ನು ಪ್ರತಿನಿಧಿಸುತ್ತಿರುತ್ತಾರೆ. ವಿದ್ಯಾರ್ಥಿನಿಯರಿಗೆ ಪೋಷಕರು ಮತ್ತು ಗ್ಲೋಬಲ್ ಟೇಕ್ವಾಂಡೊ ಅಕಾಡೆಮಿಯ ಮುಖ್ಯ ಶಿಕ್ಷಕರಾದ ಕೋಮಲ ಮತ್ತು ಕಾರ್ತಿಕ್ ರವರು ಶುಭವನ್ನು ಹಾರೈಸಿದರು.
