ಗೂಡ್ಸ್ ರೈಲು ಸಂಚಾರಕ್ಕೆ ರಾಜನಕುಂಟೆ-ಬೆಟ್ಟಹಲಸೂರು ರೈತರ ತೀವ್ರ ವಿರೋಧ; ಸಹಿ ಸಂಗ್ರಹ ಚಳುವಳಿ
ಯಲಹಂಕ. ಬೆಂಗಳೂರು: ರಾಜನಕುಂಟೆ ಮತ್ತು ಬೆಟ್ಟಹಲಸೂರು ಮಾರ್ಗವಾಗಿ ರೈಲ್ವೆ ಇಲಾಖೆಯು ಗೂಡ್ಸ್ (ಸರಕು) ರೈಲುಗಳ ಸಂಚಾರಕ್ಕೆ ಸಿದ್ಧತೆ ನಡೆಸಿರುವುದನ್ನು ವಿರೋಧಿಸಿ, ಈ ಭಾಗದ ರೈತಾಪಿ ವರ್ಗದವರು ಬೃಹತ್ ಪ್ರತಿಭಟನೆಗೆ ಮುಂದಾಗಿದ್ದಾರೆ. ಈ ಯೋಜನೆಯಿಂದ ಕೃಷಿ ಭೂಮಿ ಹಾಗೂ ಸ್ಥಳೀಯರ ನೆಮ್ಮದಿಗೆ ಭಂಗ ಬರಲಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿರುವ ರೈತರು, ಇದೀಗ ಮನೆ-ಮನೆಗೆ ತೆರಳಿ ಸಹಿ ಸಂಗ್ರಹ ಅಭಿಯಾನವನ್ನು ಆರಂಭಿಸಿದ್ದಾರೆ.
ರೈತರ ಆತಂಕಗಳೇನು?
ಕೃಷಿ ಭೂಮಿಗೆ ಧಕ್ಕೆ: ಗೂಡ್ಸ್ ರೈಲುಗಳ ಸಂಚಾರಕ್ಕಾಗಿ ಹೆಚ್ಚುವರಿ ಹಳಿಗಳ ನಿರ್ಮಾಣ ಅಥವಾ ವಿಸ್ತರಣೆಯಾದಲ್ಲಿ ಫಲವತ್ತಾದ ಕೃಷಿ ಭೂಮಿಯನ್ನು ಕಳೆದುಕೊಳ್ಳುವ ಭೀತಿ ರೈತರಲ್ಲಿದೆ.
ರೈಲ್ವೆ ಹಳಿಗಳ ಸಂಖ್ಯೆ ಹೆಚ್ಚಾದಂತೆ ಹೊಲ-ಗದ್ದೆಗಳಿಗೆ ಹೋಗುವ ರಸ್ತೆಗಳು ಬಂದ್ ಆಗುವ ಸಾಧ್ಯತೆಯಿದ್ದು, ಕೃಷಿ ಚಟುವಟಿಕೆಗಳಿಗೆ ಅಡ್ಡಿಯಾಗಲಿದೆ.
ಶಬ್ದ ಮತ್ತು ಧೂಳಿನ ಮಾಲಿನ್ಯ: ಹಗಲು-ರಾತ್ರಿ ಸಂಚರಿಸುವ ಭಾರೀ ಸರಕು ರೈಲುಗಳಿಂದ ಉಂಟಾಗುವ ಶಬ್ದ ಮಾಲಿನ್ಯ ಹಾಗೂ ಧೂಳು ಹತ್ತಿರದ ವಸತಿ ಪ್ರದೇಶಗಳು ಮತ್ತು ಬೆಳೆಗಳ ಮೇಲೆ ದುಷ್ಪರಿಣಾಮ ಬೀರಲಿದೆ ಎಂದು ಸ್ಥಳೀಯರು ಆತಂಕ ವ್ಯಕ್ತಪಡಿಸಿದ್ದಾರೆ. ಈ ಸಂದರ್ಭದಲ್ಲಿ
ಬಿ ಜಿ ನಂಜುಂಡಪ್ಪ ರಾಜಕಾರ್ಯದರ್ಶಿಗಳು ಕರ್ನಾಟಕ ರಾಜ್ಯ ರೈತ ಸಂಘ ಹಸಿರು ಸೇನೆ ಬೆಟ್ಟ ಹಲಸೂರು ಮತ್ತು ಎನ್ ಮುನಿಕೃಷ್ಣಪ್ಪ ಹಾಗೂ ಎನ್ ಮುನಿವೆಂಕಟಪ್ಪ
ಬಿ ಈ ಮನೋಹರ ಗ್ರಾಮಸ್ಥರು ಉಮಾದೇವಿ ಯತೀಶ್ ಶೋಭಾ ಲಕ್ಷ್ಮಿ ದೇವಿ ರೇಖಾ ಭರತ್ ಕುಮಾರ
ಹಾಗೂ ಮುಖ್ಯವಾಗಿ ವಿಶ್ವ ಕನ್ನಡಿಗ ಹಸಿರೇ ಉಸಿರು ಟ್ರಸ್ಟ್ ನ ಸಂಸ್ಥಾಪಕ ರಾಜ್ಯಾಧ್ಯಕ್ಷರು ರಾಜ್ಯ ಮತ್ತು ರಾಷ್ಟ್ರ ಪ್ರಶಸ್ತಿ ಪುರಸ್ಕೃತರಾದ ಡಾ. ಶ್ರೀನಿವಾಸ್ ಮೂರ್ತಿ