● 74 ಸ್ಪರ್ಧಾಳುಗಳು ಚಿನ್ನ, 67 ಬೆಳ್ಳಿ ಮತ್ತು 73 ಕಂಚಿನ ಪದಕಗಳ ವಿಜೇತರಾಗಿದ್ದಾರೆ
● ಒಡಿಶಾ ಅತಿ ಹೆಚ್ಚು ವಿಜೇತರನ್ನು ಹೊಂದಿದೆ, ಕರ್ನಾಟಕ ಮತ್ತು ತಮಿಳುನಾಡು ನಂತರದ ಸ್ಥಾನದಲ್ಲಿವೆ
ಬೆಂಗಳೂರು , 21 ಮೇ 2024: ಸಡಗರ ಮತ್ತು ಸಂಭಮಗಳೊಂದಿಗೆ ನಾಲ್ಕು ದಿನಗಳ ಕಾಲ ನಡೆದ “ಇಂಡಿಯಾ ಸ್ಕಿಲ್ಸ್ ನ್ಯಾಶನಲ್ ಕಾಂಪಿಟೇಶನ್ 2024 “ ಭಾನುವಾರದಂದು ದ್ವಾರಕಾದ ಯಶೋಭೂಮಿಯಲ್ಲಿ ಮುಕ್ತಾಯಗೊಂಡಿತು. ಮೇ 15 ರಿಂದ 19 ರವರೆಗೆ ನಡೆದ ಸ್ಪರ್ಧಾತ್ಮಕ ಕಾರ್ಯಕ್ರಮವು ಸಾಂಪ್ರದಾಯಿಕ ಮತ್ತು ಅತ್ಯಧುನಿಕ ಕೌಶಲ್ಯಗಳ ವ್ಯಾಪಕ ಶ್ರೇಣಿಯಲ್ಲಿ ಸ್ಪರ್ಧಿಸಲು ಮತ್ತು ತಮ್ಮ ಪ್ರಾವೀಣ್ಯತೆಯನ್ನು ಪ್ರದರ್ಶಿಸಲು ರಾಷ್ಟ್ರದಾದ್ಯಂತದ ಪ್ರತಿಭಾವಂತ ಯುವ ಮನಸ್ಸುಗಳನ್ನು ಒಟ್ಟುಗೂಡಿಸುವದಕ್ಕೆ ಇದೊಂದು ಸಾಕ್ಷಿಯಾಯಿತು. ಸೆಪ್ಟೆಂಬರ್ 2024 ರಲ್ಲಿ ಫ್ರಾನ್ಸ್‌ನ ಲಿಯಾನ್‌ನಲ್ಲಿ ನಡೆಯಲಿರುವ ವರ್ಲ್ಡ್ ಸ್ಕಿಲ್ಸ್‌ನಲ್ಲಿ ಭಾರತವನ್ನು ಪ್ರತಿನಿಧಿಸಲು 52 ಕೌಶಲ್ಯಗಳಲ್ಲಿ ಒಟ್ಟು 58 ಅಭ್ಯರ್ಥಿಗಳು ಈಗ ತರಬೇತಿ ಪಡೆಯುತ್ತಾರೆ.
17 ಚಿನ್ನ, 13 ಬೆಳ್ಳಿ, 9 ಕಂಚಿನ ಪದಕಗಳನ್ನು ಪಡೆದರೆ ಮತ್ತು 12 ಶ್ರೇಷ್ಠತಾ ಪ್ರಶಸ್ತಿ ಪಡೆಯುವದರೊಂದಿಗೆ ಒಡಿಶಾ ಅತಿ ಹೆಚ್ಚು ವಿಜೇತರನ್ನು ಹೊಂದಿದೆ, ನಂತರ ಕರ್ನಾಟಕ (13 ಚಿನ್ನ, 12 ಬೆಳ್ಳಿ, 3 ಕಂಚಿನ ಪದಕ ಮತ್ತು 19 ಶ್ರೆಷ್ಠತಾ ಪ್ರಶಸ್ತಿ), ತಮಿಳುನಾಡು (6 ಚಿನ್ನ, 8 ಬೆಳ್ಳಿ). , 9 ಕಂಚು, ಮತ್ತು 17 ಪ್ರರ್ಧಾಳುಗಳು ಶ್ರೇಷ್ಠತಾ ಪ್ರಶಸ್ತಿ), ಮಹಾರಾಷ್ಟ್ರ (3 ಚಿನ್ನ, 5 ಬೆಳ್ಳಿ, 6 ಕಂಚಿನ ಪದಕ, ಮತ್ತು 14 ಪ್ರರ್ಧಾಳುಗಳು ಶ್ರೇಷ್ಠತೆ ಪ್ರದರ್ಶಿಸಿದ್ದಾರೆ), ಉತ್ತರ ಪ್ರದೇಶ (3 ಚಿನ್ನ, 3 ಬೆಳ್ಳಿ, 6 ಕಂಚಿನ ಪದಕಗಳು ಮತ್ತು 16 ಸ್ಪರ್ಧಾಳುಗಳು ಶ್ರೇಷ್ಠತಾ ಪ್ರಶಸ್ತಿ), ದೆಹಲಿ ( 5 ಚಿನ್ನ, 3 ಬೆಳ್ಳಿ, 2 ಕಂಚಿನ ಪದಕಗಳು ಮತ್ತು 10 ಪ್ರರ್ಧಾಳುಗಳು ಶ್ರೇಷ್ಠತಾ ಪ್ರಶಸ್ತಿ), ರಾಜಸ್ಥಾನ (2 ಚಿನ್ನ, 5 ಬೆಳ್ಳಿ, 3 ಕಂಚಿನ ಪದಕಗಳು, ಮತ್ತು 9 ಸ್ಪರ್ಧಾಳುಗಳು ಶ್ರೇಷ್ಠತಾ ಪ್ರಶಸ್ತಿ), ಹರಿಯಾಣ (2 ಚಿನ್ನ, 3 ಬೆಳ್ಳಿ, 3 ಕಂಚಿನ ಪದಕಳು, ಮತ್ತು 13 ಸ್ಪರ್ಧಾಳುಗಳು ಶ್ರೇಷ್ಠತಾ ಪ್ರಶಸ್ತಿ ), ಮಧ್ಯಪ್ರದೇಶ (1 ಚಿನ್ನ, 2 ಬೆಳ್ಳಿ, 4 ಕಂಚು, ಮತ್ತು 11 ಸ್ಪರ್ಧಾಳುಗಳು ಶ್ರೇಷ್ಠತಾ ಪ್ರಶಸ್ತಿ), ಮತ್ತು ಬಿಹಾರ (3 ಚಿನ್ನ, 1 ಬೆಳ್ಳಿ, 3 ಕಂಚು, ಮತ್ತು 6 ಸ್ಪರ್ಧಾಳುಗಳು ಶ್ರೇಷ್ಠತಾ ಪ್ರಶಸ್ತಿ ಪಡೆದಿದ್ದಾರೆ)
ಕೌಶಲ್ಯಾಭಿವೃದ್ಧಿ ಮತ್ತು ವಾಣಿಜ್ಯೋದ್ಯಮ ಸಚಿವಾಲಯದ ಕಾರ್ಯದರ್ಶಿ ಅತುಲ್ ಕುಮಾರ್ ತಿವಾರಿ ; ಭಾರತೀಯ ಚಲನಚಿತ್ರ ನಿರ್ಮಾಪಕ ಮತ್ತು ಅಧ್ಯಕ್ಷ , ಮಾಧ್ಯಮ ಮತ್ತು ಮನರಂಜನಾ ವಲಯ ಕೌಶಲ್ಯ ಮಂಡಳಿಯ ಪದ್ಮಶ್ರೀ ರಮೇಶ್ ಸಿಪ್ಪಿ, ವೃತ್ತಿಪರ ಶಿಕ್ಷಣ ಮತ್ತು ತರಬೇತಿ ರಾಷ್ಟ್ರೀಯ ಮಂಡಳಿ (NCVET) ಅಧ್ಯಕ್ಷರಾದ ಡಾ. ನಿರ್ಮಲಜೀತ್ ಸಿಂಗ್ ಕಲ್ಸಿ , NSDC ಇಂಟರ್ನ್ಯಾಷನಲ್ ನ , ಮುಖ್ಯ ನಿರ್ವವಹಣಾಧಿಕಾರಿ, ವ್ಯವಸ್ಥಾಪಕ ನಿರ್ದೇಶಕ ವೇದ್ ಮಣಿ ತಿವಾರಿ, ಮತ್ತು ಭಾರತದ ಹೆಸರಾಂತ ನಟ, ಬರಹಗಾರ, ಗಾಯಕ, ಬಾನುಲಿ ಕಲಾವಿದ ಅಪರಶಕ್ತಿ ಖುರಾನಾ ಸಮಾರೋಪ ಸಮಾರಂಭದಲ್ಲಿ ಉಪಸ್ಥಿತರಿದ್ದರು.
ವಾಲ್ ಮತ್ತು ಫ್ಲೋರ್ ಟೈಲಿಂಗ್, ಬ್ರಿಕ್ಲೇಯಿಂಗ್, ಕಾರ್ಪೆಂಟ್ರಿ, ಫ್ಯಾಶನ್ ಟೆಕ್ನಾಲಜಿ, 3ಡಿ ಡಿಜಿಟಲ್ ಗೇಮ್ ಆರ್ಟ್, ಕ್ಲೌಡ್ ಕಂಪ್ಯೂಟಿಂಗ್, ಮೊಬೈಲ್ ಅಪ್ಲಿಕೇಶನ್‌ಗಳ ಅಭಿವೃದ್ಧಿ, ಸ್ವಾಯತ್ತ ಮೊಬೈಲ್ ರೊಬೊಟಿಕ್ಸ್, ಆರೋಗ್ಯ ಮತ್ತು ಸಾಮಾಜಿಕ ಕಾಳಜಿ ಸೇರಿದಂತೆ 61ಕ್ಕೂ ಅಧಿಕ ಕೌಶಲ್ಯಗಳಲ್ಲಿ 30ಕ್ಕೂ ಹೆಚ್ಚು ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಂದ ಒಟ್ಟು 900ಕ್ಕೂ ಹೆಚ್ಚಿನ ಪರಿಣಿತರು. , ಮತ್ತು ಪ್ರಾಸ್ಥೆಟಿಕ್ ಮತ್ತು ಮೇಕಪ್. 400ಕ್ಕೂ ಹೆಚ್ಚು ಉದ್ಯಮ ತಜ್ಞರು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಹಿಂದಿನ ವರ್ಲ್ಡ್ ಸ್ಕಿಲ್ಸ್‌ನ ವಿಜೇತರು ವ್ಯಾಪಾರದ ಸೂಕ್ಷ್ಮ ವ್ಯತ್ಯಾಸಗಳನ್ನು ಅರ್ಥಮಾಡಿಕೊಳ್ಳಲು ಸ್ಪರ್ಧಿಗಳಿಗೆ ಮಾರ್ಗದರ್ಶನ ನೀಡಿದರು.
ಈ ಸಂದರ್ಭದಲ್ಲಿ ಮಾತನಾಡಿದ MSDE ಕಾರ್ಯದರ್ಶಿ ಅತುಲ್ ಕುಮಾರ್ ತಿವಾರಿ ಅವರು “ಇಂದು ನಾವು ಇಂಡಿಯಾ ಸ್ಕಿಲ್ಸ್ 2024 ಅನ್ನು ಮುಕ್ತಾಯಗೊಳಿಸುತ್ತಿರುವಾಗ, MSDE ಮತ್ತು NSDC ಯಿಂದ ನಾವು ಪಡೆದ ಅನುಭವ, ಅಧಿಕ ಬೆಂಬಲ ಮತ್ತು ಮಾರ್ಗದರ್ಶನದ ಹರ್ಷದಾಯಕ ಪ್ರಯಾಣವನ್ನು ನಾನು ನೆನಪಿಸಿಕೊಳ್ಳುತ್ತೇನೆ” ಏಂದು ಪ್ರಶಂಶಿಸಿದರು.
ಸ್ಪರ್ಧೆಯ ವಿನ್ಯಾಸ ಮತ್ತು ಕಾರ್ಯಗತಗೊಳಿಸುವಿಕೆಯು ನಿಖರವಾಗಿತ್ತು ಮಾತ್ರವಲ್ಲದೆ ಭಾಗವಹಿಸುವವರು, ಮಾರ್ಗದರ್ಶಕರು, ಉದ್ಯಮದ ವೃತ್ತಿಪರರು ಮತ್ತು ಸಾರ್ವಜನಿಕರಿಂದ ಹೆಚ್ಚಿನ ಮೆಚ್ಚುಗೆ ಗಳಿಸಿದವರಾಗಿದ್ದಾರೆ ಎಂಬುದನ್ನು ಯಾರೂ ಮರೆಯುವಂತಿಲ್ಲ. 2,50,000 ಕ್ಕೂ ಹೆಚ್ಚು ಅಪ್ಲಿಕೇಶನ್‌ಗಳು, ವಿಸ್ತೃತ ಶ್ರೇಣಿಯ ವ್ಯಾಪಾರಗಳು ಮತ್ತು ಮಹಿಳಾ ಭಾಗವಹಿಸುವಿಕೆಯಲ್ಲಿ ಗಮನಾರ್ಹ ಹೆಚ್ಚಳದೊಂದಿಗೆ, ಇಂಡಿಯಾಸ್ಕಿಲ್ಸ್ 2024 ರ ಪ್ರಮಾಣವು ಅಭೂತಪೂರ್ವ ಯಶಸ್ಸನ್ನು ಕಂಡಿದೆ ಎಂದು ತಿವಾರಿ ಹೇಳಿದರು.
ಸಮಾರಂಭಕ್ಕೂ ಮುನ್ನ ತಾವು ಯುವ ಭಾಗವಹಿಸುವವರನ್ನು ಭೇಟಿಯಾಗಿದ್ದನ್ನು ಪ್ರಸ್ತಾಪಿಸಿದ ಅತುಲ್ ಕುಮಾರ್ ತಿವಾರಿ, ಅವರಲ್ಲಿ ಅನೇಕರು ವಿಭಿನ್ನ ಹಿನ್ನೆಲೆಯಿಂದ ಬಂದವರು. ಅವರಲ್ಲಿ ಕೌಶಲ್ಯ, ಉತ್ಸಾಹ ಮತ್ತು ಸಾಂಪ್ರದಾಯಿತೆ, ಹೊಸ ಹುಮ್ಮಸ್ಸು ಮತ್ತು ಯುವೋತ್ಸಾಗಳೆರಡನ್ನು ತಾವು ಬೆರಗಾದುದಾಗಿ ಹೇಳಿದರು. MSDE ಮತ್ತು NSDC ಯಲ್ಲಿನ ನಮ್ಮ ಸಹೋದ್ಯೋಗಿಗಳು ಇಂತಹ ಅದ್ಭುತ ಕಾರ್ಯಕ್ರಮವನ್ನು ಆಯೋಜಿಸುವಲ್ಲಿ ಮತ್ತು ಜಾಗತಿಕ ವೇದಿಕೆಯಲ್ಲಿ ಭಾರತವನ್ನು ಪ್ರತಿನಿಧಿಸಲು ಅತ್ಯುತ್ತಮ ಪ್ರತಿಭೆಯನ್ನು ಆಯ್ಕೆ ಮಾಡುವಲ್ಲಿನ ಪ್ರಯತ್ನಗಳನ್ನು ಕುರಿತು ಮೆಚ್ಚುಗೆ ವ್ಯಕ್ತಪಡಿಸಿದರು
ಸ್ಪರ್ಧೆಯ ಉದ್ದಕ್ಕೂ, ಭಾಗವಹಿಸುವವರನ್ನು ತೀರ್ಪುಗಾರರ ಸದಸ್ಯರು ಮತ್ತು ಉದ್ಯಮ ತಜ್ಞರು ಕಟ್ಟುನಿಟ್ಟಾಗಿ ಮೌಲ್ಯಮಾಪನ ಮಾಡಿದರು, ಅವರು ತಮ್ಮ ತಾಂತ್ರಿಕ ಕೌಶಲ್ಯಗಳು, ಸೃಜನಶೀಲತೆ ಮತ್ತು ಸಮಸ್ಯೆ-ಪರಿಹರಿಸುವ ಸಾಮರ್ಥ್ಯಗಳನ್ನು ನಿಖರವಾಗಿ ಮೌಲ್ಯಮಾಪನ ಮಾಡಿದರು. ಕಠಿಣ ಪ್ರಕ್ರಿಯೆಯು ಪ್ರತಿಯೊಂದು ವಿಭಾಗದಲ್ಲೂ ಅತ್ಯಂತ ಅರ್ಹ ಸ್ಪರ್ಧಿಗಳು ಮಾತ್ರ ಜಯಶಾಲಿಯಾಗುವುದನ್ನು ಖಚಿತಪಡಿಸಿತು, ಇದು ವೃತ್ತಿಪರ ಶಿಕ್ಷಣ ಮತ್ತು ತರಬೇತಿಯಲ್ಲಿ ಉತ್ಕೃಷ್ಟತೆಯನ್ನು ಉತ್ತೇಜಿಸುವಲ್ಲಿ ಇಂಡಿಯಾ ಸ್ಕಿಲ್ಸ್ ಎತ್ತಿಹಿಡಿದ ಉನ್ನತ ಗುಣಮಟ್ಟವನ್ನು ಪ್ರತಿಬಿಂಬಿಸುತ್ತದೆ. ಈ ಹಿಂದೆ ಲಾಜಿಸ್ಟಿಕ್ಸ್ ಮತ್ತು ಸರಕು ಸಾಗಣೆ, ವೆಬ್ ತಂತ್ರಜ್ಞಾನಗಳು, ವಿಷುಯಲ್ ಮರ್ಚಂಡೈಸಿಂಗ್, ಎಲೆಕ್ಟ್ರಿಕಲ್ ಇನ್‌ಸ್ಟಾಲೇಶನ್‌ಗಳು, ಇಂಡಸ್ಟ್ರಿಯಲ್ ಡಿಸೈನ್ ಟೆಕ್ನಾಲಜಿ ಮತ್ತು ನವೀಕರಿಸುವಲ್ಲಿ ಪುರುಷರು ಮಾತ್ರ ಪ್ರಾಬಲ್ಯ ಹೊಂದಿದ್ದರು.ಆದರೆ ಇಂಡಿಯಾಸ್ಕಿಲ್ಸ್ 2024 ಕಾರ್ಯಕ್ರಮವು 170ಕ್ಕೂ ಹೆಚ್ಚಿನ ಮಹಿಳೆಯರ ಭಾಗವಹಿಸುವಿಕೆಗೂ ಸಹ ಸಾಕ್ಷಿಯಾಗಿದೆ, ಈ ಪ್ರತಿಷ್ಠಿತ ವೇದಿಕೆಯಲ್ಲಿ ಸ್ಪರ್ಧಿಸಲು ಸ್ಪರ್ಧಾಳುಗಳು ಜಿಲ್ಲಾ, ರಾಜ್ಯ ಮತ್ತು ರಾಷ್ಟ್ರ ಮಟ್ಟದಲ್ಲಿ ಅತ್ಯುತ್ತಮ ಸಾಧನೆಗೈದಿದ್ದಾರೆ ಎಂದು ಹೇಳಿದ NCVET ಅಧ್ಯಕ್ಷ ಡಾ. ನಿರ್ಮಲಜೀತ್ ಸಿಂಗ್ ಕಲ್ಸಿ ಅವರು, ಮುಂದಿನ ವರ್ಷ ಇನ್ನೂ ಹೆಚ್ಚಿ ಸಂಖ್ಯೆಯಲ್ಲಿ ಮಹಿಳೆಯರು ಭಾಗವಹಿಸುವ ನಿರೀಕ್ಷೆಯನ್ನು ವ್ಯಕ್ತಪಡಿಸಿದರು. ವಿಶಿಷ್ಠವಾದ 9 ಸೇರಿದಂತೆ ಸೇರಿದಂತೆ 61 ಕೌಶಲ್ಯಗಳನ್ನು ಭಾರತ ಪ್ರದರ್ಶಿಸಿರುವುದನ್ನು ಪ್ರಸ್ತಾಪಿಸಿದ ಅವರು ಇದಕ್ಕೆ ಸ್ಪರ್ಧಾಳುಗಳ ಕಠಿಣ ಪರಿಶ್ರಮವನ್ನು ಮಾತ್ರವಲ್ಲದೇ ಭವಿಶ್ಯದ ಯಶಸ್ಸಿಗೆ ಅವರು ಮಾಡಿಕೊಂಡ ಸಿದ್ಧತೆಯನ್ನು ಎತ್ತಿ ತೋರಿಸುತ್ತದೆ ಎಂದು ಅವರು ಒತ್ತಿ ಹೇಳಿದರು.
ಇಂಡಿಯಾಸ್ಕಿಲ್ಸ್ 2024 ರ ಎಲ್ಲಾ ವಿಜೇತರಿಗೆ ತಮ್ಮ ಹೃತ್ಪೂರ್ವಕ ಅಭಿನಂದನೆಗಳನ್ನು ಸಲ್ಲಿಸಿದೆ NSDC ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿ ಮತ್ತು NSDC ಇಂಟರ್ ನ್ಯಾಶನಲ್ ವ್ಯವಸ್ಥಾಪಕ ನಿರ್ದೇಶಕ ವೇದ್ ಮಣಿ ತಿವಾರಿ ಅವರು ಎಲ್ಲಾ ಭಾಗವಹಿಸುವವರು ಅಸಾಧಾರಣ ಕೌಶಲ್ಯ, ಸಮರ್ಪಣೆ ಮತ್ತು ಸ್ಪರ್ಧಾತ್ಮಕತೆಯನ್ನು ತೋರಿಸಿದ್ದಾರೆ. ದೇಶದ ಉದ್ದಗಲದಿಂದ ಸ್ಪರ್ಧಿಗಳು ಬಂದಿರುವುದಕ್ಕೆ ಸ್ಪರ್ಧಿಗಳು ಬಂದಿದ್ದು, ಇದು ಸ್ಕಿಲ್ ಇಂಡಿಯಾ ಮಿಷನ್‌ನ ಅಪಾರ ಪ್ರಾತಿನಿಧ್ಯಕ್ಕೆ ಸಾಕ್ಷಿಯಾಗಿದೆ. ಈ ಸ್ಪರ್ಧೆಯು ಇತರ ಯುವ ಭಾರತೀಯರಿಗೆ ವೃತ್ತಿಪರ ತರಬೇತಿಯನ್ನು ಪಡೆಯಲು, ಉತ್ಕೃಷ್ಟತೆಯನ್ನು ಸಾಧಿಸಲು ಮತ್ತು ಅಂತರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ತಮ್ಮ ಉದ್ಯೋಗಾವಕಾಶಗಳನ್ನು ಹೆಚ್ಚಿಸಲು ನಿಸ್ಸಂಶಯವಾಗಿ ಪ್ರೇರೇಪಿಸುತ್ತದೆ ಎಂದು ಅವರು ಹೇಳಿದರು.
47 ಕೌಶಲ್ಯ ಸ್ಪರ್ಧೆಗಳನ್ನು ಆನ್‌ಸೈಟ್‌ನಲ್ಲಿ ನಡೆಸಿದರೆ, ಕರ್ನಾಟಕ, ಹರಿಯಾಣ, ಉತ್ತರ ಪ್ರದೇಶ ಮತ್ತು ಗುಜರಾತ್‌ನಲ್ಲಿ ಲಭ್ಯವಿರುವ ಅತ್ಯುತ್ತಮ ಮೂಲಸೌಕರ್ಯಗಳನ್ನು ಗಮನದಲ್ಲಿಟ್ಟುಕೊಂಡು ಆಫ್‌ಸೈಟ್‌ನಲ್ಲಿ 14 ಕೌಶಲ್ಯ ಸ್ಪರ್ಧೆಗಳನ್ನು ನಡೆಸಲಾಯಿತು. ಭಾಗವಹಿಸುವವರು ಡ್ರೋನ್-ಫಿಲ್ಮಿಂಗ್ ತಯಾರಿಕೆ, ಜವಳಿ-ನೇಯ್ಗೆ, ಚರ್ಮದ-ಶೂ ಮೇಕಿಂಗ್ ಮತ್ತು ಪ್ರಾಸ್ಥೆಟಿಕ್ಸ್-ಮೇಕಪ್‌ನಂತಹ 9 ಪ್ರದರ್ಶನ ಕೌಶಲ್ಯಗಳಲ್ಲಿ ಭಾಗವಹಿಸಿದರು. 86 ಸ್ಪರ್ಧಿಗಳೊಂದಿಗೆ ತಮಿಳುನಾಡು ಗರಿಷ್ಠ ಭಾಗವಹಿಸುವಿಕೆಗೆ ಸಾಕ್ಷಿಯಾಗಿದೆ, ನಂತರ ಒಡಿಶಾ (64), ಕರ್ನಾಟಕ (61), ಪಂಜಾಬ್ (53), ಮತ್ತು ಹರಿಯಾಣದಿಂದ 47 ಸ್ಪರ್ಧಿಗಳು ಭಾಗವಹಿಸಿದ್ದರು. ರೋಮಾಂಚನಕಾರಿ ಸ್ಪರ್ಧೆಗಳ ಜೊತೆಗೆ, ಇಂಡಿಯಾಸ್ಕಿಲ್ಸ್ 2024 ಅಭ್ಯರ್ಥಿಗಳಿಗೆ ನೆಟ್‌ವರ್ಕಿಂಗ್ ಮತ್ತು ವೃತ್ತಿಪರ ಅಭಿವೃದ್ಧಿ ಅವಕಾಶಗಳನ್ನು ಸಹ ಕಲ್ಪಿಸಿತ್ತು.
ಪ್ರಸಕ್ತ ವರ್ಷ ಸ್ಪರ್ಧಾಳುಗಳು ನ್ಯಾಶನಲ್ ಕ್ರೆಡಿಟ್ ಪ್ರೇಮ್ ವರ್ಕ್ ನಲ್ಲಿ ಪ್ರಶಂಸೆಗೆ ಪಾತ್ರರಾಗುವ ಅವಕಾಶವನ್ನು ಹೊಂದಿದ್ದರು. ವರ್ಲ್ಡ್ ಸ್ಕಿಲ್ಸ್ ಮತ್ತು ಇಂಡಿಯಾ ಸ್ಕಿಲ್ಸ್ ಎರಡರಲ್ಲೂ ಪ್ರದರ್ಶಿಸಲಾದ ಎಲ್ಲಾ ಕೌಶಲ್ಯಗಳನ್ನು ರಾಷ್ಟ್ರೀಯ ಕೌಶಲ್ಯ ಅರ್ಹತಾ ಚೌಕಟ್ಟಿನೊಂದಿಗೆ (NSQF) ನಿಖರವಾಗಿ ಜೋಡಿಸಲಾಗಿದೆ. ಇಂಡಿಯಾಸ್ಕಿಲ್ಸ್ ಕ್ರೆನ್ಸಿಯಾ ಎಂಬ ಸ್ಪರ್ಧಾತ್ಮಕ ಮಾಹಿತಿ ವ್ಯವಸ್ಥೆಯನ್ನು ಮೊದಲ ಬಾರಿಗೆ ಅಳವಡಿಸಿಕೊಂಡಿದೆ.
ಪ್ರಸಕ್ತ ವರ್ಷ, ಟೊಯೋಟಾ ಕಿರ್ಲೋಸ್ಕರ್, ಆಟೋಡೆಸ್ಕ್, ಜೆಕೆ ಸಿಮೆಂಟ್, ಮಾರುತಿ ಸುಜುಕಿ, ಲಿಂಕನ್ ಎಲೆಕ್ಟ್ರಿಕ್, ನಾಮ್‌ಟೆಕ್, ವೆಗಾ, ಲೋರಿಯಲ್, ಷ್ನೇಯ್ಡರ್ ಎಲೆಕ್ಟ್ರಿಕ್, ಫೆಸ್ಟೋ ಇಂಡಿಯಾ, ಆರ್ಟೆಮಿಸ್, ಮೆಡಾಂಟಾ, ಹೆಲ್ತ್‌ಕಾರ್, ಮೆಡಾಂಟಾ ಮುಂತಾದ 400 ಕ್ಕೂ ಹೆಚ್ಚು ಉದ್ಯಮ ಮತ್ತು ಶೈಕ್ಷಣಿಕ ಪಾಲುದಾರರು ಇಂಡಿಯಾ ಸ್ಕಿಲ್ಸ್ ಅನ್ನು ಬೆಂಬಲಿಸಿದ್ದಾರೆ.
ಸುದ್ದಿ ಹಾಗೂ ಜಾಹೀರಾತುಗಾಗಿ ಸಂಪರ್ಕಿಸಿ
ಆರ್ ಹನುಮಂತ. 9845085793